Hapja e shtëpive publike dhe legalizimi i hashashit për banorët e Këlcyrës.

Këto janë dy prej pikave kryesore të programit elektoral të kandidatit për kryetar Bashkie të Këlcyrës Hazbi Kasaj.

Pas mashtrimit në minutat e fundit të Koco Kokëdhimës për të përfaqësuar partinë Zgjidhja, zoti Kasaj u detyrua të ishte përfaqësues i Partisë së Emigracionit Shqiptar me kryetar Kristaq Papa.

Slogani i Hazbiut bën diferencën me sloganet e partive tradiocionale, “Puno pak, ha shumë dhe bëj qejf” çka do të ballafaqohet me Klement Ndonin nga PS që rikandidon për një mandat të tretë dhe Shkëlqim Muhaj nga partia Bindja Demokratike.

Ambiciet e tij janë të shumta ku premton se ekonominë vendase do t’a zhvillojë përmes kultivimit të hashashit ndërsa për argëtim, çeljen e shtëpive publike.

Për të parën mendon të organizojë një referendum pasi në këtë mënyrë zhvillohet edhe ekonomia vendase.

Çudirat në këtë vend nuk kanë fund, sidomos ato politike.